ភ្នំពេញ៖ ក្រសួងពាណិជ្ជកម្ម ឱ្យដឹងថា តម្លៃលក់រាយប្រេងឥន្ធនៈនៅតាមបណ្តាស្ថានីយ៍ក្នុងស្រុកនានា ចាប់ពីថ្ងៃទី២១ រហូតដល់ថ្ងៃទី៣០ ខែកញ្ញា ឆ្នាំ២០២២ នឹងត្រូវបញ្ចុះចំនួន ៦,៥សេនដុល្លារឬស្មើជិត ៣០០រៀលក្នុងមួយលីត្រ។

សេចក្ដីជូនដំណឹងរបស់ក្រសួងពាណិជ្ជកម្ម នៅថ្ងៃទី២១ ខែកញ្ញាឆ្នាំ២០២២ ស្ដីពីថ្លៃលក់រាយប្រេងឥន្ធនៈនៅតាមស្ថានីយ៍ បានឱ្យដឹងថា រាជរដ្ឋាភិបាលបានសម្រេចបញ្ចុះតម្លៃលក់រាយប្រេងឥន្ធនៈចំនួន ៦,៥សេនដុល្លារឬស្មើជិត ៣០០រៀលក្នុងមួយលីត្រ ដោយគិតចាប់ពីថ្ងៃទី២១ រហូតដល់ថ្ងៃទី៣០ ខែកញ្ញា ឆ្នាំ២០២២ ដោយតម្លៃប្រេងសាំងធម្មតាចុះសល់ត្រឹម ៤ ៣៥០រៀល/លីត្រ និងប្រេងម៉ាស៊ូតចុះសល់ត្រឹម ៤ ៨៥០រៀល/លីត្រ។

ក្នុងសេចក្ដីជូនដំណឹងដដែល ឱ្យដឹងថា ដើម្បីជួយសម្រួលដល់ជីវភាពរបស់ប្រជាជន និងដោយមានការចូលរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជានាយករដ្ឋមន្រ្តីសម្ដេចតេជោ ហ៊ុន សែន បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៦,៥សេនដុល្លារ/លីត្រ។